Success KD Lyrics in Hindi HHH Album

New Haryanvi Songs Haryanvi 2022 || HHH Full Album || KD

Success KD Lyrics in Hindi HHH Album

Success KD Lyrics HHH Album

Song – Success | सक्सेस
Singer – KD | केडी
Lyrics – KD | केडी
Rapper – KD
Composer – KD
Label – Desi Rock
Album – HHH ( Triple H )

Success KD Lyrics in Hindi HHH Album

औ नीली छतरी आळा रे
खौलेगा आपै ताळा रे
तू कर्म करे जा शर्म ना कर
ना भीतर राखै काळा रे

जाग्दे पे पूछ लियो पूछ लियो सुत्ते पे
होणा सक्सेस खुद के ही बलबूत्ते पे
काच्चे है काटणे रे तलवें नी चाटणे
फेरिओ ना जीभ किसे साले के जुत्ते पे
जाग्दे पे पूछ लियो पूछ लियो सुत्ते पे

ये
जिन्ने कामयाब होणा वो आराम कोनी करदा
किसे न ब्लेम बदनाम कोनी करदा
मेहनत के टैम पाट ज्या सै चु,,,,ड रे
फेर न्यू कहोगे लक काम कोनी करदा
मान लिया जाम्या तू माड़े हलात में
के फैदा जे आछे हलात ना बणावे
मारया गरीबी न और बदनसीबी ने
छोड़ दे बहाने रे बात ना बणावे
होंसले जे देखणे तो देख जाके बॉर्डर पे
बैठी सै मौत म्हारे शेरां के शोल्डर पे
होजा जे पंगा रे चुम के तिरंगा रे
ण जा जवाना की छाती या ऑर्डर पे
फौजियां की तोपां में गोळे भरे
ज्युकर बादळां की छाती में ओळे भरे
जे भरणा सै भीतर में भर ल्यूं जनून
कोए काम के नी सोळा इंच ढोळे भरे

औ नीली छतरी आळा रे
खौलेगा आपै ताळा रे
तू कर्म करे जा शर्म ना कर
ना भीतर राखै काळा रे

तन्ने बेरा तो है बेटे रे तेरे भीतर कितणी हिम्मत है
तन्ने बेरा तो है बेटे रे तेरे सपना की के कीमत है
तन्ने बेरा तो है घोर अँधेरी रात के बाद सवेरा है
तन्ने बेरा तो है बावळीबूच फेर क्यांकि टेंशन लेरा है
तन्ने बेरा है सब बातां का तेरे माड़े से हलाता का
तेरी पूंजी का तेरे खाता का तेरे सारे चक्रवाता का
तेरी फील तेरे जज़्बातां का तेरे रिश्ता का तेरे नाता का
तेरे बाबू का तेरी माता का जो सुपना आधी राता का
वो मेहनत घेल्या पूरा कर ना नक्शा देखे हाथां का

भूल जा हथेलियां की सारी ये लकीर
भाई आपै है बणाणि तन्ने तेरी तक़दीर
भाई तुक्के नी चलाणे रे चलाणे तन्ने तीर
भाई काम गेल्या बैरियां के काळजे ने चीर

औ नीली छतरी आळा रे
खौलेगा आपै ताळा रे
तू कर्म करे जा शर्म ना कर
ना भीतर राखै काळा रे

ना नोट ते बण्या ना वोट ते बण्या
मैं जो भी बण्या थाहरी ऐ सपोर्ट ते बण्या
अरे पत्थरां ते दिया तस्वीर का आकार
भगवान भी हथोड़े आली चोट ते बण्या
मैं जिस ने बणाया उस राम ने प्राउड है
मेरी मेहनत मेरे काम ने प्राउड है
आइयो जी द्रौणगढ़ बोले है दनौदा
म्हारे गाम का है केडी पूरे गाम ने प्राउड है
गाम का मैं कदे एहसान कोनी भूलदा
मिल्या उस माटी ते ज्ञान कोनी भूलदा
मंदिर और खेड़े में मैं जाऊं हर घेड़े में
दादा रामेश्वर का धाम कोनी भूलदा
कदे भी इरादे कमजोर कोनी होण दिए
साइलेंट काम करा शोर कोनी होण दिए
सिर पे या कैप लाया नए नए रैप
मेरे फैन मेरे भाई मन्ने बोर कोनी होण दिए
आया बाटा की चप्पल ते गुच्ची के बूटा पे
डब्बा की बुर्शट ते अरमानी सुटा पे
मोटर में जा जा के बेचे थे गीत
इब्ब जहाज़ा में चालू विदेशां के रूटा पे

यार मेरे भाइयाँ ते एक ऐ अपील
ज़िंदगी ने जीण की या सिंपल सी डील
थोड़ी ढक लियो ओट थोड़ी मार दियो चोट
आड़े आप ऐ हथोड़ा और आप ऐ कील
लागण दे झाल रे समंदर नी सुखणा
थोबड़े पे आवेगा ऊंचा नी थूकणा
काढ़ देगा टैम आपै हेटरा का बहम
कोनी मारणे रे मुस्से यो ढूंढ कोनी फूंकना
धरती ते होणी सै सबकी विदाई रे
ज़िंदगी में इतनी सी करणी कमाई रे
दुनिया ते जाऊं तो रोवणिये लोग
मेरी फोटुआं ने देख बोले ” आज्या रे भाई रे ”

” जे होंसला ते ऊँचा शिखर होंदा
जे पहाड़ा की ऊंचाई का फ़िक्र होंदा
फेर कड़े इतिहास के पन्ना में आवे था
रे फेर कड़े मांझी का जिक्र होंदा
फेर कड़े मांझी का जिक्र होंदा “

Success KD HHH ( Triple H ) Official Video

Thanks

Success KD Lyrics HHH Album || HHH Full Album by KD || New Haryanvi Songs Haryanvi 2022 || Haryanvi Songs Lyrics in Hindi || Desi Rock || KD New Song

Follow on Facebook 

For more Songs Lyrics 

Leave a Reply

Your email address will not be published. Required fields are marked *